నీ స్నేహం

నవ్వుల చినుకుల్లో తడిమేసే తడి తపనల్లో

నిట్టూర్పుల తాకిడిలో

త్రుళ్ళిపడే సంకీర్తనల్లో

తొలకరి తరువాత అలరించే ఇంద్రధనస్సుల్లో

నడిసంద్రంలో భయపెట్టే నిశ్శబ్దంలో

నిన్నటి అల్లరుల పరవశాల్లో

నేటి అనుభవాల ఆలోచనల్లో

కంటిపాపని కాపాడే కనురెప్పై

కారుచీకట్లలో మెరిసే సౌదామినియై

అనుక్షణం నీవెంటే నేనున్నానంటూ తోడుండే నీడలా

సైన్యం, ధైర్యం, స్థైర్యం, సర్వం అన్నీ తానే అనిపించేది నీ స్నేహం