Friday, 22 February 2013

మరుభూమి


సోదరా ఓ భారతసోదరా
చూడరా భారతమాత వేదన ఆవేదన
మరుభూమిగా మారుచున్నది మన మాతృభూమి
బీటలు వారెను భవితవ్యం భరతభూమిలో
యువత అంతా నిర్వీర్యం హిందూసీమలో                     

భవితే లేదా హిందూస్తాన్లో భారతయువతకు
సవతిగ మారెను పాకిస్తాన్ మన హిందూమాతకు
బందులుకూడా పండుగలే భరత భూమిలో
హత్యలు కూడా వేడుకలే హిందూసీమలో
మర్డర్లంటే మక్కువ ఎక్కువ మన మాతృభూమిలో
అల్లర్లంటే ఆరో ప్రాణం అస్సాం మొదలు ఆంధ్రా వరకు       

లోహవిహంగాలై ఆకాశ యానం చేసే ధరలు
ఆరని మంటల జ్వాలల్లోన కాలే కడుపుల ఆకలికేకలు
వరకట్నపు చితిమంట్ల్లోన ఆడపడచుల సజీవదహనాలు
మామూలేగా మన మాతృసీమలో
కుర్చీ కోసం కుస్తీపడుతూ కుమ్ములాటలు
పదవికోసం ప్రాణాల్తోనే పైరవీలు
దేశభక్తులు ఎందరుపోయినా తెలుస్తుందా ఒక్కరికైనా
దుర్మార్గుల్లో ఒక్కడు చచ్చినా దేశమంతా హత్యాకాండలు 

అందుకే లేవరా! ఓ సోదరా
తీర్చరా! మన మాతృభూమి కష్టాలు కడతేర్చరా

0 comments:

Post a Comment