Tuesday, 12 May 2015

నీరద హాసం

అంతు తెలియని శీతలంలో 
అగ్గిగా మరిగిపోతున్నప్పుడు  
దివ్యత్వం నుండి దీనత్వంలోకి 
శూన్యం నన్నుశృతిచేస్తుంటే
వెన్నెల పత్రాల తొలకరిలో
కలలన్నీఅశ్రుపత్రాక్షరాలుగా రాలిపోతుంటే
నిశీధి నిట్టూర్చిన చప్పుడు వింటూ
నిరాకారంగా కాలంలో కరిగిపోతున్నా...
వత్సరాలుగా ఘనీభవించిన మనసు 
శుష్క మందహాసాల్ని ద్రవిస్తుంటే  
అక్షతలుగా రాలుతున్నస్మృతులలో
నన్నునీకు కోల్పోయి
ధవళ వర్ణాలని అద్దుకున్న
స్వప్నఖండాల తుషార పరదాలని
అనిమిషుడినై ఆఘ్రాణిస్తున్నా
నా గుండె భాష్పాల కరువుదీరా...



1 comments:

శూన్యం నన్నుశృతిచేస్తుంటే
వెన్నెల పత్రాల తొలకరిలో
కలలన్నీఅశ్రుపత్రాక్షరాలుగా రాలిపోతుంటే
నిశీధి నిట్టూర్చిన చప్పుడు వింటూ
నిరాకారంగా కాలంలో కరిగిపోతున్నా...హృదయాన్ని తాకారు.

Post a Comment