Thursday, 11 June 2015

శకలం

ఎక్కడెక్కడో తొణుకుతున్న స్వప్నశకలాలన్నీ 
ఒక్క చోట చేరి ఓ  సంపూర్ణ చిత్రాన్ని
నాకు సాకారం చేస్తాయనుకుంటున్నప్పుడు  
చివరి వరకూ 
నీకూ నాకు మధ్య నిలుచున్నసమయమొకటి 
అభావంగా మనవైపు చూస్తూ  
తనను భద్రంగా చూసుకునేదెవరూ అనగానే 
చప్పున మీటని నొక్కేసా 
సమయం నావైపు తూగింది 
నన్ను నీ నుండి నిలవరించుతూ   
స్మృతుల అక్షయాన్ని నాలో నింపేస్తూ

తానెక్కడ నీకు భారమౌతుందోనని 
అనుకున్న ఆ ఒక్క క్షణం 
నన్ను జీవితాంతం పరిహాసం చేస్తూ
శూన్యశకలాలని 
నా గుండెకి గుదిగుచ్చుతుంటే 
లోలోని వేదననంతా 
తొక్కిపట్టిన మహానటనని  చూసి 
కనుదోయికీ కన్ను కుట్టినట్లుంది 
చిన్నగా ఒక కన్నీటి తెరని 
లోకానికీ నాకూ మధ్య పరిచింది 


0 comments:

Post a Comment