Sunday, 21 June 2015

ఘోష

ఏయ్... 
తట్టుకోగలవా…
మౌనం మాట్లాడితే తట్టుకోగలవా…
గంభీరత గొంతు సవరించుకుంటే 
పెరిగే నీ గుండె వేగానికి కొలత కట్టగలవా? 
నేనో సముద్రాన్ని…
ఎంత ఒంటరినయితేనేం
ఆకాశమూ తన నిజాన్ని నాలో వెదుక్కోవాల్సిందే 
నా అగాధాల కింద తడి అంటిన మట్టే కాదు 
బడబాలనమై పెల్లుబికగలిగే అగ్నిపర్వతాలూ ఉన్నాయ్
సుడిగాలి నన్ను దాటితేనే 
మేఘమై మిమ్మల్ని తడిపేది
తీరంలో పడిలేచే నా అలల ఘోషకే బేజారిపోయే గుండెలు  
నాలోని గంభీరత అంతా పిక్కటిల్లితే ఏమవుతాయో…?
నాగరికత వేషాలు కాదోయ్
ప్రకృతి నీకోసం రాసి ఉంచిన పాఠాలు నేర్చుకో 
పంచభూతాలకీ ఇష్ట సఖుడివై 
జీవజాతికి ప్రియ మిత్రుడివై

0 comments:

Post a Comment