Sunday, 28 June 2015

విజేత

నీదా?
వాడిదా?
ఝండా ఎవరిదోయ్…?
శాశ్వతంగా రెప రెపలాడుతున్నపతాకమెక్కడో  
ఆచూకి ఒక్కటి చూపించవూ

యుగాలుగా యుద్ధాలన్నీ మట్టికోసమేగా  
మరి ఏ మన్నుపై ఎవడు శాశ్వతమయ్యాడో 
ఆనవాలు ఒక్కటి తెచ్చివ్వవూ
జాతులు ఛిద్రమైన రణరంగాన 
ఏ దేహమెవ్వడిదో ఎరుకపరచగలవా

ప్రకృతి ప్రశాంతంగా ఉన్నంతవరకే 
సరిహద్దుల పద్దులన్నీ 
యుగాల రక్తం ఇంకిన మైదానాల
ఆక్రోశం బద్ధలై
ప్రళయంగా పిక్కటిల్లితే 
ఏ హద్దెవ్వడిదో లెక్కగట్టే 
స్వరమొక్కటి మిగిలుంటుందంటే చెప్పు
సరికొత్త యుగకర్తగా చరిత రాసేద్దువు

లేదంటే 

మట్టి కాగితంపై 
నరనరాల రణరంగంతో 
స్వేదమే సిరాగా 
శ్రమ సంతకం చేసేయ్ 
బంగారు పంటగా తలవంచుతూ 
మట్టి నీకు ప్రణమిల్లుతుంది 
నిన్ను విజేతగా నిలుపుతూ


0 comments:

Post a Comment