Saturday, 17 October 2015

పరువం

చందమామకి ఆర్ఘ్యమిస్తూ 
చందనాలు పరిమళిస్తూ 
వెన్నలనే వాయనమిస్తే 
పరువపు ముత్తయిదువువై నువ్వు రావా 

తలపంతా ధూపమేసి 
తాంబూలం నోట పట్టి 
తనువు గారాలూ పోతుంటే 
వలపు ముద్దరలేస్తూ చేవ్రాలూ చేయనా

మంచేమో మంత్రమేస్తూ 
పూలన్నీ ఎర్రబడుతూ 
నిశ్శబ్దం కేకబెడుతుంటే 
ఝల్లుమన్న వన్నెలకి ముకుతాడు వెయ్యనా 

రేయంతా ఘల్లుమంటూ 
వయసంతా తుళ్ళి పడుతూ 
మనసంతా పండుతుంటే 
మాయదారి పగలుకి విడాకులివ్వనా :) 


0 comments:

Post a Comment