Sunday, 18 October 2015

ఇలా ఉంటాయ్ కొన్ని…


సమూహంలో ఉన్నప్పుడల్లా  మనిషితనాన్ని మొలిపించుకుంటూ 
మానవత్వపు భారం మొత్తం తన భుజాల మీద మోసే 
పేటెంట్ ని  తనకి తాను ఇచ్చేసుకునే జీవ ఇరుసులకు 
నిజాలు బాగా తెలుసు నాటక రంగపు ఇజాలతో సహా 

****

భేతాళ ప్రశ్నలన్నీ మంది బుర్రల్లో తిరుగుతూనే ఉన్నా 
సమాధానం చెప్పటానికి ఏ విక్రమార్కుడూ ప్రయత్నించనందుకేమో 
ఊరవతలి మహాస్మశానాలు ఇంటింటిలో రాజ్యమేలుతున్నాయ్ 
వంటింటి చూర్లకి తలకిందులుగా వేళ్ళాడుతూ

****

ఏకాంతం వంటికి చుట్టుకున్నప్పుడల్లా 
ప్రపంచాన్ని వెలివేసిట్లుగా సంబరపడే వాడిని చూసి 
ప్రపంచం ఎప్పుడూ నవ్వుకుంటూనే ఉంటుంది 
ఇంతవరకూ అది ఎవ్వరినీ పట్టించుకోలేదట మరి  

****

ఏ చరిత్ర పుటని తిరగేసినా తెలిసేదొక్కటే
ప్రపంచంతో నడవని… గొడవ పడని… 
ఘర్షణ ఎప్పుడూ స్వచ్చంగా లేని 
ఏ జీవన సంపుటీ  సంపూర్ణం కాదు 


1 comments:

sir the poem is good. is the picture drawn by small kids?

Post a Comment