Wednesday, 6 January 2016

తుషార ధూపం



ఒక  హేమంతపు తుషార ధూపం 
గుండెని కాస్త తడిపి వెళ్ళిందనుకుంటా 
నిన్నటి వ్యధలన్నీ నిశ్శేషమయ్యాయి 
ఒక పరిచయాన్ని సశేషం చేస్తూ 

బహుశా అప్పుడేనేమో 
ఒక చిన్ని పువ్విక్కడ రాలిపడినట్లుంది  
ఇక్కడంటే ఇక్కడే 
ఈ పిడికిటంత హృదయంలో

అప్పుడొక నిశ్శబ్దాన్ని జాలువార్చుతూ 
పరిమళమొకటి పరవశంగా 
ప్రవహించటం మొదలయ్యింది 
నాకింకా పరిచయమవ్వని 
కొన్ని నవ్వులని వశీకరించుకుంటూ 
నీకు నన్ను వశం చేస్తూ 


0 comments:

Post a Comment