Sunday, 20 March 2016

ప్రపంచమంత నవ్వు



ఖాళీ చేసుకున్న మనసులో
లోకాన్నంతా కూర్చేద్దాం అనుకున్న
ప్రతీసారీ
మరింత శూన్యం పోగుపడుతుంది కానీ
నిండారా నిన్ను పూయించే
నవ్వు జాడ మాత్రం
ఏ నిషిద్ధ మంత్రలిపిలోనో
చిక్కుబడిపోతుంది
మరి… ఆశలకి అంతులేని చోటు
ఏ ఆనందాలకూ చిరునామా అవ్వదుగా
అయినా మించి పోయేదేమీ లేదు
ప్రపంచమంత నవ్వు చేరువవుతుంది
అన్ని ఖాళీతనాలలో
నిన్ను నువ్వు స్వచ్ఛంగా నింపుకోవటం మొదలు పెడితే

0 comments:

Post a Comment