Tuesday, 21 June 2016

అదృశ్యపు దృశ్యం



గడ్డి మొలిచే వేళకోసం తపన పడేవి
పశువులు మాత్రమే అనుకోవటం
చారిత్రక సత్యమేం కాదన్న నిజం
మనకు మాత్రమే తెలుసు... మనకు మాత్రమే

దించేసుకున్న పాప భారాలన్నీ
శిధిలాలైతే సరిపోదన్న సత్యం
వెంటాడుతుంటే
మట్టి విచ్చుకునే వేళకోసం ఎదురుచూపులాపేసి
నేల గర్భాన్ని కోసేసి
మన పంకిలాలని దాపెట్టిన ఆనవాళ్ళు
అదృశ్యమయిన దృశ్యం
శాశ్వతమవుతున్న ఆ సవ్వడి
మనకెప్పుడూ కనసొంపైన విశేషమే

మరి మనిషెప్పుడూ
శిధిలాలూ కప్పడిపోయిన దృశ్యమే కదా !

0 comments:

Post a Comment