Monday, 19 September 2016

కాంతి రేఖ



ఎరిగిన తీరాలేమీ ఎదురవ్వని పయనంలో
తెరచాప ఏ దిక్కుకి నడిపిస్తేనేం
అనుకుంటున్న నిశ్శబ్దంలోకి
ఎరగని తీరంలా నువ్వెదురొచ్చావు

నిన్ను నువ్వు నివేదన చేసుకున్న
కొన్ని ఛాయల పలకరింపులో
తెలిసింది…
తెలియని చోటా కొన్ని గమ్యాలు
ఆనందాన్ని పరచి వేచి ఉంటాయని

నిన్నంటూ ఎరగకుంటేనేం
ఇప్పుడైతే
నువ్వొక కాంతి రేఖవి
నా ద్వీపపు సరిహద్దుగా పహారా కాస్తూ


0 comments:

Post a Comment