Monday, 26 September 2016

వెతుకులాట



వెతుక్కో మిత్రమా వెతుక్కో
గడియ పడిన ఘడియలంటూ లేని
ఉదయంలో నుండి సాయత్రంలోకి
నిన్నలో నుండి రేపటిలోకి నడుస్తూ వెదుక్కో

పారేసుకున్నది దొరుకుతుందేమోనన్న
ఒక్క వెతుకులాటలో
దొరికే ప్రతిదీ ఒక ఆణిముత్యమే

నీకోసమే
చరిత్ర దాచిన సత్యాలు
వర్తమానం రాస్తున్న పాఠాలు
భవిష్యత్తు దాపెట్టిన రహస్యాలు
ఒక్కొక్కటిగా బయలు పడుతూనే ఉంటాయ్

వెతుకు నిద్రలో
మృత్యువు గోచరమవుతుంది

వెతుకు వేకువలో
రెప్పల అలికిడినద్దుకున్న పుట్టుక నడిచొస్తుంది

వెతుకు నీలో
ఒక కొత్త నువ్వు పరిచయమవుతావు

నిరంతరమవ్వాలి నీ వెతుకులాట
తరం తరం సాగాలి త్రవ్వులాట
మనసు పరిచే మెరుపుల బాటలో
మనిషినొక నిథిగా కనుగొన్న చోట


0 comments:

Post a Comment