Sunday, 20 November 2016

మనుషుల్ని రాసుకుందాం రా

కాసేపిలా కూర్చుని మనుషుల్ని రాసుకుందాం రా

మనుషులంటే?

ఒక అమ్మ, ఒక నాన్న, ఒక అక్క, ఒక తమ్ముడు …

వాళ్ళు ఒక కుటుంబం రా

ఒక బాబాయ్, ఒక పిన్ని, ఒక మామయ్యా, ఒక అత్తయ్య…

వాళ్ళు బంధువులు రా

పాలవాడు , పూల వాడు, ఎదురింటాయన, పక్కింటాయన…

ఈ అందరినీ సమాజమంటారోయ్

ఒక నువ్వు, ఒక నేను, ఒక వాడు, ఒక తను…

మనం స్నేహితులం రా

అన్నిటికీ ఏదో చెప్తున్నావ్… మరి మనుషులంటే ఎవరు?

కుక్క, నక్క, పులి, పిల్లి, చెట్టూ చేమా
అంటూ కనిపించిన వాటన్నిటికీ నామకరణం చేసాడు చూడు
వాడికి పేరు పెట్టేవాడు లేక
తనకు తాను పెట్టుకున్న పేరు రా మనిషంటే

నువ్వు మరీ చెప్తావ్
మనమంతా మనుష్యులమే

ఓ.. నిజమా ! అలా అయితే
మరి నువ్వు పుట్టాక ఎవరినైనా మనిషీ అని పిలిచావా…
పోనీ ఇకపై పిలుస్తావా

‘-----’



‘మనిషంటే ఓ పవిత్ర భావం
మనిషంటే జగతికి కాపలా దారు
మనిషంటే సకల జీవకోటికీ రక్షకుడు
మనిషంటే ఎదిగే కొద్దీ ప్రకృతిగా మారే వాడు’
మరి ఇప్పుడు రాసి చూపించవూ ఒక్క మనిషిని

‘-----’

0 comments:

Post a Comment