Monday, 26 December 2016

కాలసారి

బాటసారీ
నువ్వలా నడుస్తూనే ఉండు
బాట పొడుగూతా
ఒక్కొక్క విత్తూ జల్లుకుంటూ

కాలం నీ వెనకే వస్తుంది
తన ప్రతి మలుపులోనూ
ఒక నీడని ఒడిసి పట్టి
చరిత పొడుగూతా
పథికుల పాదాలు
నిన్ను తలచుకునేలా

అవును...
లోకానికి నువ్విచ్చిందేదీ ఖర్చైపోదు
ఆసాంతం చైతన్యమై
విశ్వం నిండా నిన్ను వ్యాపించేస్తుంది
నీకు కీర్తి ఛత్రం పడుతూ

నువ్విక
కాలం పొడుగూతా నడిచే


కాలసారివే


0 comments:

Post a Comment