ఇక్కడెందుకో
నా నడక నిశ్శబ్దమయ్యింది
విరిగి పడుతున్న నీడలని చదవటానికే
అది తోడుగా వస్తుందని
లోపలి స్వరమేదో గుసగుసలాడుతుంది
ఈ క్షణమెందుకో
నా జీవితమంత పొడుగై ఉంటుందనిపిస్తుంది
కొన్ని నిగూఢతల ప్రహేళికల చిక్కులు వీడటానికి
ఆ మాత్రం సమయం పడుతుందని
గుండె పొలిమేరల్లో తచ్చాడుతున్న తడి చెప్పింది
***
హ్మ్….
కల చెదిరింది
నిశ్శబ్దం ఇంకా
కొనసాగుతూనే ఉంది
మరి
అసలు కలెందుకు శబ్దం చేసిందో !
0 comments:
Post a Comment