స్నేహితుడు : చిట్టి కవిత

Showing posts with label చిట్టి కవిత. Show all posts

Sunday, 1 May 2022

కలస్వనం

21:08 సురేష్ రావి 1 comment

గాంధర్వమంతా

అజ్ఞాతంగా

వేణువులోనే ఉందనుకుని

కలస్వనాల పౌనఃపున్యాలన్నిటినీ

ఒక్కమారుగా

స్వంతం చేసుకుందామని

వేణువుని చీల్చి చూస్తే

దక్కేదేమిటో తెలుసా?

రెండు వెదురు బద్దలు!

రాతి మనసు

21:21 సురేష్ రావి No comments

ఎవరన్నారు?

రాయి మీద పువ్వు పడితే రాయికి దెబ్బ తగలదని!

నువ్వనుకుంటే సరిపోయిందా

ఎప్పుడైనా రాయిని అడిగి చూశావా?

నిద్ర

21:29 సురేష్ రావి No comments

ఇదిగో…

ఈ చిన్ని గింజ ఉందే…

తనకేమీ రాదంట!!

ఒక చిన్ని మొక్క గా మారి

ఇన్ని గింజలతో

ఓ ఆకలి కడుపుని

నిద్రపుచ్చటం తప్ప!!!

***

ఆకలి తీరిందేమో

మనిషింకా నిద్రపోతూనే ఉన్నాడు

వాక్య మాలిక - 2

07:11 Unknown No comments

నీ గుండె గొంతుక ఘోష...
నీ మదిని చేరే భాష...!

ఈ క్షణం మౌనంగా ఉన్నాననుకుంటున్నావేమో...
నీ తలపులే భాషగా నా మదితో నేను నీ గురించే ఊసులాడుతున్నా...!

పున్నమి రాత్రుల్లో జాబిలి తునకలపై వెన్నెల రాణల్లే
తారల సందిట్లో మబ్బుల సంద్రంలో మెరుపుల తారకవై
పువ్వుల పల్లకిలో మువ్వల సవ్వడితో మేఘ మాలికవై
నా గుండెలోన కొలువు తీర రావే నాకలలచెలియా...