Wednesday, 16 September 2009

ఆత్మవిశ్వాసం

నిన్ను నీవు తెలుసుకో నీ శక్తిని నమ్ముకో

అసాధ్యమన్నదే లేదు ఆత్మవిశ్వాసం నీకుంటే

అపజయమే దరికి రాదు ఆత్మస్థైర్యం నీకుంటే

గుండె బలముంటే గెలుపన్నది నీ ఇంటి గడపే

నిన్ను నీవు తెలుసుకో నీ శక్తిని నమ్ముకో

నిరాశతో కుంగిపోకు నీ శక్తే నీకు బలం

ఓటమికి వెరవొద్దు అదే నీ గెలుపుకి తొలి మెట్టు

నొప్పికి వెరవకుంటే ముళ్ళు కూడా పువ్వులే

నిన్ను నీవు నమ్ము కుంటే ప్రతి పనిలో విజయాలే

నాకంటూ ఓ రోజు వస్తుందని కూర్చుంటే

కాలం కరుగుతుంది కాని నీకా రోజు రాదులే

ఈ రొజునే నీ రోజుగా చేసుకో

ప్రతి క్షణం విజయం నీదని తెలుసుకో

నిన్ను నీవు తెలుసుకో నీ శక్తిని నమ్ముకో

సలహాలకేముంది ఎవరైనా ఇస్తారు

సాయం చేయ రమ్మంటే వారంతా పరారు

దేవుడేమి చేస్తాడు నీ ప్రయత్నం లేకుండా

నీ శ్రమ తోడైతే ఆ దేవుడే నీకు జోడు

నీ ఖర్మకు నీవు కాక ఎవరు బాధ్యుడు

నీ లక్ష్య ఛేదనకు ఆత్మ బలమే ఆయుధం

నీ కలల సాధనకు ఆత్మ విశ్వాసమే అస్త్రం

నిన్ను నీవు తెలుసుకో నీ శక్తిని నమ్ముకో

5 comments:

"దేవుడేమి చేస్తాడు నీ ప్రయత్నం లేకుండా

నీ శ్రమ తోడైతే ఆ దేవుడే నీకు జోడు" ఇదే కీలకం

anni telisinavi ayinaa raasina vidaanam baagundi andi

neti otame repati vijayaniki nandi.


add cheste bagundu

ఓటమికి వెరవొద్దు అదే నీ గెలుపుకి తొలి మెట్టు

ani undi kadaa.

Post a Comment