రాత్రి ఉన్నంతసేపూ
భయమనిపిస్తుంది
ఇలా ఒక భయమున్నంతసేపూ
ఒక ధైర్యం పుట్టుకొస్తూ ఉంటుంది
రాత్రిని జ్వలిస్తూ పగలొస్తుందనే
యుగయుగాల ధైర్యం ముందుకు నడిపిస్తుంటే
విడిచి రాగలిగినవేమున్నాయని
కాస్తంత భయామూ ఇంకాస్త నిర్వేదమూ తప్ప
రాత్రి అన్నాక పగటిలోకి నడుస్తుందన్న
నిజమొక్కటి గుర్తించుకుంటే చాలదూ
నువ్వూ… నేనూ… తనూ…
ధైర్యానికి ప్రతిధ్వనులుగా మారటానికి
ఇప్పుడే…
రాత్రిగా మారాలని ఉంది
రేపు ఉదయంగా ప్రపంచాన్ని స్పర్శించడానికి
