ఇక్కడ శబ్దమొకటి నిశ్శబ్దంగా ఖాళీ అవుతుంది
బహుశా ఒంటరితనమేదో పుడుతున్నట్లుంది
తెలిసిన కాలాన్నంతా
తెలియని ఉప్పెనేదో కమ్మేసినట్లనిపిస్తుంటే
కను రెప్పల కింద కొత్త కాలం దొరుకుతుందేమోనని
ముఖం వెలివేస్తున్న దుఃఖాలన్నీ పోగుపడితే
మనసెందుకు రాయిగా మారుతుందన్న ప్రశ్నని
చదవగలిగే నీలి వెలుగు దొరకకేమో
సమాధానమింకా ప్రశ్నని వెతుక్కుంటూనే ఉంది.!!!
0 comments:
Post a Comment