కనుల నీలిమలో కరిగిపోతున్న విశ్వరూపంలా
కనుపాపని కాల్చి వేస్తున్న నిప్పురవ్వలా
కంటి సీమని ముంచి వేస్తున్న తేమ పాతంలా
కనుదోయి మాగాణిలో మొలకెత్తుతున్న నీటి విత్తులా
కంటి ద్వారాల మాటున దాగిన శూన్యాన్ని పరిపాలిస్తున్న అశ్రు ధీరలా
కను రేకల పత్రాలపై లిఖించిన తడి ప్రేమలేఖలా
కాలమంతా కనురెప్పల కావలిలో
సంచరిస్తున్న స్వప్నాలని సంహరించే వధ్యశిలలా
ఇదిగో ఇలా…
కంటిని అంటిపెట్టుకున్న యుగయుగాల బాసలా
ఎప్పటికీ మరణం లేని ఒకే ఒక్క భాషలా
కల పగిలినప్పుడల్లా
ఒక కన్నీటి చుక్క!!!
0 comments:
Post a Comment