బహువచనం - 3

1.

 

ఇంకా ఎవరిచే తెరవబడని నిశ్శబ్దాన్ని 

తొలిచే ఒక సమయంలోకి 

కొన్ని సమయాలు తమని తాము 

నిలువు దోపిడీ చేసుకుంటున్నాయి 

 

తవ్వుకున్నంత మేరా  

నిశ్శబ్దం చేస్తున్న శబ్దాన్ని తాగుతున్న 

ముద్రికలేవో 

మత్తుగా సోలిపోతున్నాయి 

లలితమైన కంపనేదో 

తీపి నేరంలోకి తోసినట్లుగా 

 

2.

 

ఈ నేల  

నీ మీదుగా మూసుకుని పోతున్నప్పుడు

నీ కన్నీటి  బొట్టు ఒకటి ఘనీభవించి

చరిత పుటల్లో వెల్లడైతే

అది చెప్పే

ఒక్క కథే

రేపటి ప్రపంచపు జీవ రహస్యం  

నిన్ను మళ్ళీ నేలపై మొలకెత్తించే

బ్రహ్మత్వం

Posted in: కవిత