Thursday, 24 July 2014

వెన్నెల కుసుమం - 13 (ఇది ఎన్నడూ ముగియని ఓ ప్రణయ లేఖ...)

హనీ...

నీ గానం వేదమైనా నీ పరువం పండగైనా నీ తోడూ ఎందరున్నా క్షణక్షణం నీ పేరు జపించే చిరు హృదయం మాత్రం నాదే...
ప్రాణం గా నిను చూసుకునే బాధ్యత నాకప్పగించిన ఆ బ్రహ్మ ఒక ప్రాణాన్ని రెండు దేహాలలో విభజించి మనల్ని సృష్టించాడు.
నిన్ను పొందే అదృష్టం పొందిన నేను గతజన్మ పుణ్యాల జ్ఞాపకాలనూ... అటు ముందు జన్మ ఘనకార్యాలనో గుర్తు చేసుకోవటానికో మనస్కరించనంత మధుర భావనలో ఈ జన్మ సాఫల్యతని నీతో అవలోకించాలనే తపనతో ఉన్నాను.
ఈ జన్మలో అయినా నీవు ఈ అవనిపై సంచరించినంత కాలమే ఈ ధరణిపై నా శ్వాస నిలిచి ఉంటుంది.
దేవాసురులు అమృతం చిలికినప్పుడు వచ్చిన విశ్వమోహిని రూపం నీకన్నా అందమైనది కాదు కదూ.. భస్మాసురుని భస్మం అయ్యేలా చేసిన జగన్మోహిని లావణ్యం నీ ముందు దిగదుడుపే అయి ఉంటుంది. ప్రాచీన కవులెందరో అందమంటే రతీదేవీదే అని వర్ణించారు. వారుగానీ నిన్ను చూస్తే రతీదేవిని కురూపి అనేవారేమో...
ప్రతి వత్సరం విశ్వ, ప్రపంచ సుందరీమణులుగా పేరుగాంచే అభినవ లలితామణులకు ఉందా నీకున్న లాలిత్యం?
సౌందర్యమంటే నీవని... అందానికి నిర్వచనం అంటే నీ రూపమని తెలియని పిచ్చి ప్రాణులు ఏవేవో ఊహిస్తుంటే... తళుకు బెళుకుల మేకప్ లు, కాస్ట్యూమ్స్, లిప్ స్టిక్ లే అందమని భావించే ఈ ప్రపంచానికి కళ్ళు తెరిపించే విధంగా ఆ బ్రహ్మ సృష్టించిన సజీవ శిల్పానివి నువ్వు.
నాలోని అణువణువూ నీ క్షేమం కోసం ఆరాటపడుతుంది. నాలోని ప్రతి రక్త కణం నీ సౌభాగ్యం కోసం పరితపిస్తుంది
నేనున్నంత కాలం... 
నీ మాటకు తొలి స్వరం 
నీ పాటకి తొలి పల్లవి
నీ ఊహకు తొలి భావన
నీ భాషకి తొలి పదం
నీ ప్రాణానికి తొలి కణం
అన్నీ నేనే.

నీ...
...రేష్

3 comments:

Beauty lies in the eyes of beholder. Meeru antha soundaryanni rastunnaro bahya soundaryam rastunnaro artham kaledu. Antha soundaryam matrame sashwatamu. A person has to be happy, humble, humanitarian and courageous to be beautiful.

Vijaya

ఇది ఒక ఊహా లేఖ... అంతఃసౌందర్యం గురించి మరో చోట మరోలా రాస్తూనే ఉన్నాను..

anthati varnana savitri oka danike saripotundi. adi kuda cinema varake. nija jeevitamlo avida oka mondi ghatam inka madyaniki banisa. nakaite nijamaina soundaryam inkekkada kanipinchaledu andaru sangeeka musugulu vesukune valle.

Vijaya

Post a Comment