Thursday, 22 October 2015

మౌనానివని…


గడ్డి పువ్వొకటి పచ్చికని దాటి
నీ పాద ముద్రకింద మెత్తగా తల ఎగరేస్తుంటే
జాజుల రాసుల పరిమళం
నీపై గుప్పుమంటుంటే
సగంగా అరిగిపోయిన చంద్రుడు
నిండారా నీ వెన్నెలని తాగేస్తుంటే
వెదురు వృక్షమొకటి
చల్లగాల్ని భోంచేస్తూ
పచ్చగా నిన్ను గానం చేస్తుంటే
అప్పుడే కురుస్తున్న
హేమంతపు చినుకుల్లో
తడి తడిగా నువ్వు తడుముతుంటే
తెలిసింది నాకు
నువ్వొక వెలుగులద్దుకున్న
మౌనానివని…
మరి నా ప్రాణానివని…!


0 comments:

Post a Comment