Thursday, 7 April 2016

మోసం



పుట్టుకతోనే మరణాన్ని మోసుకు తిరిగే నీకు
మరణంతో నువ్వు మోసుకుపోయ్యేదేమీ లేదని
తెలుసుకోవడం మనస్కరించకపోవచ్చు
అయినా అదే నిజం

ఎప్పటికప్పుడు కాలంతో నువ్వాలపించాల్సిన
యుగళగీతాలు ఎన్నో ఉన్నాయ్
కొన్ని కొత్త కొత్త రాగాలని
కాలానికి ఇచ్చి వెళ్ళినప్పుడే
అశరీరంగానూ నువ్వు వినబడుతూనే ఉంటావ్

కొన్ని గుండెల్లో అయినా
నువ్వొక కమ్మని తడిగా వాలి చూడు
నీ సడి వినబడినంత కాలం నువ్వు అమరమే

మరి నిజంగా
మృత్యువుని మోసగించగలగడం
ఎంతటి విజయమో కదూ

0 comments:

Post a Comment