Friday, 6 May 2016

అవ్యక్తం



నా కలల సరిహద్దుని దాటినప్పుడల్లా
నీ శ్వాసలు గిలిగింత పెడుతుంటే
గ్రీష్మాన్ని దాటేసింది కనుదోయి
నీ నడకల్లోని వసంతాన్ని తానద్దుకుంటూ

రెప్పల కుడ్యాలపై సజీవ చిత్రాలుగా
కాంతి నీడలు పరచుకుంటుంటే
నీ వర్ణమద్దుకుంటుంది నా మది
కంటి వెనక కురిసే నిశ్శబ్దంలో

అవ్యక్తపు అనుభూతివై నువ్వు
నాలో నన్ను అదృశ్యం చేసేస్తుంటే
ఏయ్… స్నేహితా వీగిపోతున్నా నాలో
ఇక మనలో నన్ను లీనం చేస్తూ…!

0 comments:

Post a Comment