పరిచయం

నిన్నటి  వెన్నెల పత్రాల్లో 
ఒద్దికగా ఒదిగిన వసంతం 
మరల మరల తడిమే క్షణం 
మరలి వెళ్లిపోతుంది మరో లోకానికి 

ఒక్క మోడువారిన చెట్టూ మిగలని చోట 
తనెక్కడ కాలూనాలో కానరాని తావులో 
నిన్న తలదాచుకున్న పకృతి ఛత్రాలు జ్ఞప్తికొస్తుంటే 
ఇప్పుడు మిగిలిందిక మృత్యుఛాయేననుకుంటూ 
స్వచ్ఛందంగా లోకం నుండి  నిష్క్రమణ చేస్తున్న 
ఆకుపచ్చని జీవాన్ని చూస్తూ 
మట్టి చెమ్మగిల్లింది 
సంద్రాన్ని మొత్తంగా తనపై కప్పుకుంటూ 
దిగంతాలన్నిటికీ
మనిషినొక హంతకుడిగా పరిచయం చేస్తూ 

- 08.09.15

Posted in: కవిత