Thursday, 26 February 2015

అప్పుడప్పుడూ…

అప్పుడప్పుడూ…

ఒక జీవన దృశ్యం కళ్ళముందు రాలాలి
కాసేపు ఏకాంతంగా కూర్చుని చదువుకోవటానికి

ఒక మౌనం మనసుని స్పర్శించాలి
కాసేపు నిశ్శబ్దంగా అలౌకికంలోకి జారటానికి

ఒక తడిలో కనులారబెట్టుకోవాలి
కాసేపు గుండె సడికి ఓదార్పునివ్వటానికి

ఒక స్వప్న వీధిలో కలగా తిరిగెయ్యాలి
కాసేపు కొత్త ఆలోచనలకి పునాది తవ్వటానికి

ఒక నిశీధిలో చీకటినవ్వాలి
కాసేపు నీడకి విశ్రాంతినివ్వటానికి

ఒక రాయిలా గుండె నిండాలి
కాసేపు మనసు దెబ్బలు భరించటానికి

ఎప్పుడూ
ఒక నిప్పుకణికలా  బతికెయ్యాలి
ఎప్పటికప్పుడు
జీవితాన్ని కొత్తగా ప్రజ్వలించటానికి…!


0 comments:

Post a Comment