Tuesday, 10 February 2015

ఒక మట్టి మరణం

అక్కడో నీడ రాలి పడుతుంది
రెక్కల్లో నిస్సత్తువగా కమ్మేసి
వంట్లో తడినీ ఆవిరి చేసిన 
ఎడారి పవనాలు కొట్టిన వడదెబ్బకనుకుంటా…!
కాళ్ళని తడపాల్సిన తడి మొత్తం
కళ్ళని ఉప్పెనలా ముంచుతుంటే
పొలంబాట సాహసయాత్రైన ఈ ప్రస్తుతం
భవితని ప్రశ్నార్ధానికి అంటుకట్టిందేమో…!
ఇక్కడకో తుండు గుడ్డ ఎగిరొచ్చింది
రక్తమాంసాలు ఇగిరిన తోలుతిత్తిలో
అంటుకట్టబడ్డ దీని దేహం
ఏ దారికి మళ్ళి పోయిందో మరి…?
మేఘ మాలికల తొలకరి జల్లులలో
నాగలి స్పర్శ పొలాన్నిముద్దాడుతుంటే
తన గుండెచప్పుళ్ళు వింటూ
పులకరించే ఆ పచ్చటి మనసులని
జన్మబంధంగా తలుస్తూ మురిసే ఈ నేల తల్లి
శిశిరపు ఆకుల్లా రాలిపడుతున్న కాయాలతో
రుద్రభూమిగా మారటం చూడలేక
ఒక మట్టి మరణిస్తుందక్కడ...
ఇంతకూ
హంతకుడెవరూ…
హలాంతకుడెవరూ?

0 comments:

Post a Comment