Wednesday, 16 December 2015

పసిచినుకులు


రెండు చిక్కని బాల్యాల మధ్య
ఒక పసితనపు ప్రవాహం
ఎంతటి ఆనందాన్ని పారుతుందో
చూసినప్పుడల్లా
ఆ బురద మరకల్లోని
మెరుపుల్ని తాకుతూ
మళ్ళీ మొదలవ్వాలనిపిస్తుంది

పగటికి వయసుడిగినా
ఆటకి అలసట రానివ్వని
నవ్వుల కావలిలో
మురిసిపోయిన రాత్రి అడిగింది
‘ఏయ్! దేవుడూ
నువ్వా వెన్నెలనుంచుకుని
నాకీ పసితనాన్ని ఇచ్చెయ్యవూ’ అని
మరిప్పుడదేమో
నాకది ఓ నిత్య ప్రార్ధనగా మారిపోయింది
మరి పసి చినుకులంతే
మళ్ళీ మళ్ళీ మనసుని తడుముతూనే ఉంటాయ్

1 comments:

Post a Comment