Wednesday, 9 December 2015

ప్రణవం

దోసిలి నిండా చిన్ని నవ్వులు చాలు అన్నాను
గుండెనిండుగా స్వేచ్ఛని నింపుకొచ్చావు
ఒక్క వెదురు ముక్కని తీసుకు రావూ అన్నాను
నన్నలరించే హేమంతపు పాటనే తెచ్చావు
ఒక్క నిమిషం నాతో ఉండమన్నాను
నీ కాలాశ్వపు పగ్గాలే నాకందించేశావు

నువ్వు
అనంతంగా నన్నలరించటానికి
నాకోసమొచ్చిన అక్షయానివని తెలిసి
అణువణువునా నిన్ను నాలో ప్రణవిస్తూ
ఇప్పుడిక
మది నికుంజాలలో నిశ్శబ్దపు శబ్దం చేస్తున్నా



0 comments:

Post a Comment