Saturday, 12 March 2016

పొడి నీరు



పరాకుగా జీవితాన్ని నడిచేస్తున్నట్లు 
ఒక కలని కంట్లో దాచుకుని 
ఎండమావుల తేమలో 
అలవోకగా దేహాన్ని పరచుకుంటూ 
పొడి నీటితో 
గొంతు తడుపుకున్నప్పుడల్లా
దాహం తీరిందో లేదో 
తెలియని అయోమయంలో 
నిన్ను పొడిబార్చుకుంటూ
తడి భ్రమలని ప్రతిబింబిస్తూ 
గాలి అలలలో  ఈత నేర్చుకోవటానికి 
రోజంతా ప్రయాస పడుతూనే ఉంటావు
ఎందుకంటే 
నువ్వు 
ఇప్పటికింకా 
అడుగు నేర్వని గమనానివి
నీకు దొరకని గమ్యానివి

0 comments:

Post a Comment