Saturday, 12 March 2016

ఒకటిగా


ఎప్పటికప్పుడు ఒకే దేహంలో 
రెండుగా చీల్చబడుతున్న సంఘర్షణలో 
రాజీ కుదర్చడానికి 
ప్రపంచమేమీ ఖాళీగా లేదులే 
నిశ్శబ్దానికీ అలజడికీ 
ఒకే ఉదాహరణలున్నచోట
ఎడతెగని మౌనానికీ 
ఘర్జించే నినాదానికీ 
ఒకే పుట్టుక ఉండటం 
పెద్ద వార్తేమీ కాదులే 
తన అస్తిత్వంలోని భిన్నత్వాలని 
సమన్వయం చేసుకోగలుతున్న ప్రతి మనిషికీ
ప్రపంచంతో కలసి నడవటం కష్టమేమీ కాదుగా 
మరి రా నేస్తమా… 
ఒకటిగా నడుద్దాం… ప్రగతిగా సాగుదాం

0 comments:

Post a Comment