నీకు నేను నాకు నువ్వు
మృగత్వంగా మారిన
క్షణాల మోత బరువులో
లోకానికి మనిషి అరుదయిన వార్తలు
ఇప్పుడసలు వింతలే కాదు
మనిషికి మనిషి భయమవుతున్న చోట
ప్రకృతి ప్రకోపించటం
ప్రళయాన్ని ఆలపించటం
ఎప్పటికప్పుడు వార్తా యంత్రాలలో
ముద్రితమవుతూ ఉన్నప్పుడల్లా
నెపాలని కాలానికి మనమంటించిన
కలిముద్రలమీద వేసేసి
మనం మాత్రం పవిత్ర జీవాలైపోతాం
తప్పేముందిలే
ఎవరికివారు తమదే చివరి ఊపిరన్నట్లుగా
స్వార్ధమవుతున్న చోట
పాపం పుణ్యం అన్నీ సామాజిక ధర్మాలవుతుంటే
ఒకరికి ఒకరు నిషిద్ధ మంత్రాలే
0 comments:
Post a Comment