Tuesday, 13 September 2016

తృషాయానం



లోలోపలే మూసేయబడుతున్న
నిజ వ్యక్తిత్వపు రణోద్విగ్నత
అస్తిత్వపు ప్రయోగశాలయై
వాస్తవాలన్నీ ఆంతర్యంలో ఘనీభవిస్తున్న
సమయాల సాన్నిధ్యమే
అడుగడుగునా కొనసాగుతుంటే
అంధత్వపు అఖాతాలే
అంతరంగంలో శాశ్వతముద్రలేసుకున్నప్పుడు
తన చిరపరిచితపు దేహపు
అపరిచితపు యాత్రగా మారిన ప్రతి నీడా
ఒక అపవిత్రపు రూపుగా మనలేని సడిలో
తనను తాను చెరిపేసుకునే విరమణ గా
ఒక దాహాన్ని ఆవిష్కరించుకుంటుంది

ఒక దీపపు వెలుగుని హత్తుకున్న
చురుకుదనం మొదలైనప్పుడు మాత్రం
సహజత్వాన్ని మరింతలుగా
హెచ్చించే తొట్టతొలి రూపమై
ఒక విశిష్టపు తోడుగా
తృషాయానం చేస్తుంది
ప్రపంచం ముగిసే ప్రళయం వచ్చేవరకూ

మరి ఇప్పుడు
దీపం వెలిగించ నువ్వు రావూ...


0 comments:

Post a Comment