దుమ్ము

దుమ్ము బాగా కమ్మేసినట్లుంది ఈ లోకాన్ని మతం దుమ్ము కులం దుమ్ము ప్రాంతం దుమ్ము జాతి దుమ్ము ఏదో ఒక్క దుమ్ము మీద పడని దేహం కోసం దాహించటం కుండీలలో మట్టినింపుకుని విత్తు ఎప్పుడు రాలుతుందా అని ఎదురు చూడటం లాంటిదే ప్రపంచం పుట్టి చాన్నాళ్ళయ్యింది ఆకాశం కొత్త విత్తులు విసిరేసే అవకాశమూ మృగ్యమయ్యింది విత్తు నాటాల్సింది నువ్వే దుమ్ము దులుపుకోవాల్సిందీ నువ్వే ఎందుకంటే ఇన్నాళ్ళుగా ఒక్క నిజమైతే మరచిపోయాం కొత్త అడవి పుట్టాలంటే మనమే విత్తులమై వానని హత్తుకోవాలని ఎంత దుమ్మైతేనేం మనని మనం దులుపుకోవడం మన చేతుల్లోనేనని

Posted in: కవిత