Wednesday, 14 September 2016

శీతల సాన్నిధ్యం



ఎలచిగుళ్ళ వసంతాన్ని రాసుకున్న
ఎద భావపు లిఖితాలపై
పచ్చదనాన్ని అద్దిన
వనహంసల రెక్కల్లా
నీ పలుకులు నా అణువణువులో
పరావర్తనమై వ్యంజితమవుతుంటే
తుషార రాపిడినద్దుకున్న
మనఃమధ్య రేఖ పొడుగూతా
నువ్వొక శీతల సాన్నిధ్యమై
అంకురిస్తున్న సమయపు సంజ్ఞల్లో
ఆత్మైషి నిర్వచనమవుతున్న చప్పుడు

బయట మాత్రం
ప్రణవం
ప్రణయంలోకి జారిపోయి
నిద్రపోతున్నట్లుగా అనంత నిశ్శబ్దం
భువనమంతటి ఏకాంతంలో
మనల్ని ఏక కణాన్ని చేస్తూ !!

0 comments:

Post a Comment