Saturday, 3 September 2016

దీపం



మౌనంతో ముచ్చట్లాడుకుంటూ
కొత్త నిర్వచనాల్లోకి ఒదిగిపోతున్న ప్రతిసారీ
ఒకే పుట్టుకలో అనేక జీవిత స్పర్శలుగా
జీవితం వెనుక జీవితం…
మళ్ళీ మళ్ళీ మరో జీవితం… ఇంకో జీవితం.. కొత్తగా
నన్ను అలజడి లోకి నెడుతుంటే
పునర్జన్మలంటే మరణాంతరపు మార్మికాలు కావని
తప్పు తెలుసుకున్న ప్రతిసారీ
ఒకే జీవగమనపు బాట ప్రక్కన
విరిసే పువ్వులే అవి అని పరిచయిస్తూ
నాకు నేనే దీపంగా కొనసాగాలన్న
అభిలాషని జల్లుగా కురుస్తూ
అలవిమాలిన చీకటిపై
కాంతి పరదాగా నన్ను కప్పేస్తూ
మనసు విశ్వరూపమొకటి అనుభూతిలోకి వస్తూ
చాలా విశ్రాంతిని తెచ్చేసింది

0 comments:

Post a Comment