నిశ్శబ్దంలో కలుసుకున్న చూపులు
మౌనాన్ని ముచ్చట్లాడుకుంటున్న సవ్వడిలో
చెక్కిలికంటిన సిగ్గు పారాణి
జీవిత కాలపు పండుగలా
పరావర్తనమవుతున్న నేపథ్యంలో
ఏకత్వానుభూతి జేగంటగా మారి
ఒక అనంత గర్వాన్ని శబ్దిస్తుంటే
యుగాల కన్నీరు అవనతమై
పన్నీరే పతాకమై
పరవశాన్ని రెపరెపలాడిస్తున్న వేళ
ఒక ఏకాంతపు దైవత్వపు సమీరం
జగత్తుకి ఒక్క శ్వాసగా మారి
మెరుపెనుక మెరుపుగా
మనపై చుట్టుకోవడమంటే
దివికే ధూప హారతిగా
మనం పరిమళించడమే కదూ...
0 comments:
Post a Comment